KADISA WEKI 

           Bune ngina kai ainain senin sidi sakola - sakola ro kanto upacara mena. Sakali ake ndaiku kau ba ibu guruku wa'a acara. Ake re sancau - ncau kau ba guruku. Pahu ba ntuwu na waura hafa kondeku. Bune ngina kaina pa lampa na upacara. Wara ja mancara, wara ja ma hari. Di bade kai be ma ncara re, ngenaku wunga ngoa ra tei ba kapala sakola pede. 

          Raka ra di ringa kai ngoa ra tei ba kapala sakola. Ncihi nggahi ku, wara ma mbuipu ncara. Sakali ake ke, ncara lenga doho ku ma wa'a bandera. Kau ba kapala sakola ku, kancihi ncao rawa labo rabi bandera. Wau nggori ngoa ra teina masa ala upacara re, nggahi lalo kapala sakola.. " Bapa ibu guru ro ana- ana ku ma tupa, samporo wali wara lomba FTBI bune mba'a ma ulu na. Mba'a ake mai ra ndai ta batu kambotoku. Wara mpama,wara puisi, wara padato, wara tunti aksara mbojo, wara rau tunti carita kani nggahi mbojo. Bapa ibu guru kadale mena ana sakola ma tupa dikau ta batu. Ta tei katantu ku  ana sakola dilao taji ta, ta loa ku ra raka juara. " Bune ana-ana, ngawa mena batu lomba FTBI ? " sodi ba kapala sakola. " Ngawaaaa, " cambe ndiha ba ndaiku labo lenga doho ku. 

      Wa'u nggori upacara re, japa tanga guru. Wa'u ede lu'u mena dei kelas, ngena ibu guru ma lu'u tei. Samporo ede lu'u lalo ibu guru Eka. 

" Assalamu alaikum ana-ana, " nggahi ibu Eka. 

" Wa'alaikumussalam warahmatullahi wabarakatuh, " cambe ndiha ba ndaiku labo lenga doho ku. 

" Sawatipu da tana'o, ibu guru ma kadale wa'u ana mori tupa ibu di ma batu lomba FTBI. Kande waura mafaka labo guru-guru makalai, bune si ntika ade kelas ndai wara sabua dou di malao batu taji tunti carita nggahi mbojo, ederu kaka Gwen, " nggahi ibu guruku. Wento ja adeku ringa. Fikiku bune ku loa ku ndawi carita ke. 

Hantaku rima , "Ibu guru.., mada wati loa ku tunti carita. Wati ntika tunti rauku, " nggahi ku. 

" Pede re kaka Gwen na tei ku ba guru pembina labo kapala sakola rau sawatipu da lao taji, " tamba ba ibu guru. 

" Bune kaka Gwen, ngawa batu ana. Wa'a ngara sakola anae, " sodi ba ibu guru. 

" Bismillah ibu guru, mada ma coba na, " nggahi ku. 

     Tampu'u sanai ede re, ou ba kapala sakola ku ade ruanga na. Saramba kaina ngoa ra tei ba kapala sakola bune ku ne'e si ndadi dou ma loa tunti carita. Tunti carita re, tunti au ma wara ade fiki. Aina fiki ulu au di ne'e mu tunti. Mboto ngoa ra tei ba ibu kapala sakola. Tunti re kantika. Kabaeku titi ra koma na. Tunti si ngara dou ro ngara rasa re kani huru ma nae. Tampu'u si tunti re kani huru ma na'e rau. Poro na mboto poda ilimu bou ra rakaku. Sanai nai re, ngge'e pu lati ba kapala sakola di sakola. Raka si dula di uma re lati wali ba inaku. Inaku na guru rau di sakola ede. 

       Raka ra ai nai na di lao kai lomba. Lao sama labo lenga doho ku ma batu lomba ma kalai. Ndiha weki mu lao. Wara kapala sakola ro guru ma bina na. Rongga dihidi lomba kai. Ede ndiha ja ra ana sakola ro gurue. Na kali ncako rero. Samporo ede lu'u mena ra dei kelas ra ato ba panitia. Oto ba kapala sakola ku sampe ncai lu'u kai. " Bismillah kaka Gwen. Samanga ana ro. Aina nefa baca do'a, " nggahi ibu kapala sarere salaho na tutaku. " Iyota ibu, " cambe ku . Hari ku tio salahoku ibu kapala. 

        Wati ntoina, tampu'u lalo ra lomba. Sara'a ma batu lomba re taji tunti mena . Wara ma sante, wara ma kapoda ade. Wara rau ma tio salaho guru na ma sakido di tantonga. Wara ma tunti sakali sakali. Ndaiku de tunti ra au ma wara difiku ma sarai labo au ra ne'e ba juri. Wati tio rau ku di tantonga bune lengaku. Ma alum nggahi kapala sakola ku wati loa di tei salaho. Tabe kombi doho kaina kapala sakola ku. Wati ra fikiku. Ma penti re tunti depa. Sampe mai lalo panitia ma nggahi. 

" Cumpu mena ra wakatu. Wi'i mena hasi la tunti di meja. Nggomi doho losa mena ra. Nami pa ma kaboro karawi menamu, " nggahi panitia. Nggori ede, losa lalo ku. Ngupa ku ibu guru ro kapala sakola ku. Palasi wunga doho mena na di wombo fu'u mangge. Eda ulu lalo ba ibu guru Yati. " Ede..., waura losa kaka Gwen, " nggahi ibu Yati. Pamba